Category: Uncategorized

APD shpall dy vende vakante, kriteret dhe dokumentacionet e konkurimit/ 01 mars 2021

Ju njoftojmë se Autoriteti Portual Durrës shpall konkursin për dy vende vakante për dy punonjës sigurie pranë FSPD-së:

Përgjegjësitë dhe detyrat kryesore :

Punonjësit e FSPD-së kryejnë shërbim si:

·         Personel roje i Zyrave të Sigurisë (Njësitë tokësore fikse)

·         Patrullë me automjet (Njësitë tokësore të lëvizshme)

·         Personeli i sigurisë në sallën Operative

Punonjësit e Sigurisë pranë FSPD kanë për detyrë:

–          Të njohin, mbrojnë dhe garantojnë zbatimin e ligjeve, akteve nënligjore që ngarkojnë me detyra e kompetenca FSPD-në.

–          Të njohin strukturën organizative të Autoritetit Portual Durrës, FSPD-së dhe strukturave të tjera që operojnë ne port.

–          Të ruajnë rrethimin e portit,te mbrojnë dhe të ruajnë të gjithë sektorët portualë, vlerat dhe infrastrukturat ndaj çdo lloj kërcënimi, qoftë edhe terrorist, duke përdorur mjete apo sisteme vrojtuese audiovizive, pajisje ndërlidhjeje si dhe duke përdorur teknika të ndryshme, duke respektuar ligjet në fuqi; përdorin qen shërbimi duke marrë masa për parandalimin e pasojave që mund të sjellë ky lloj shërbimi.

–          Të kryejnë kontrolle sigurie, si patrullime rastësore të paktën çdo dy orë, duke përfshirë të gjithë rrethimin nga toka, uji dhe anën e akostimit, sigurimin e cimave të ankorimit të anijeve. Të gjitha incidentet dhe cenimet esigurisë raportohen teautoritetet ose shërbimet e emergjencës sipasnevojës dhe regjistrohen me anë të Formularit të raportimit të incidenteve.

–          Të kenë njohuri të plota dhe kualifikimin përkatës për përdorimin e armatimit dhe pajisjeve të kontrollit të sigurisë, si dhe të njohin mirë procedurat e kontrollit të sigurisë për pasagjerët, bagazhet, automjetet, kontejnerët, anijet etj.

–          Të marrin masa te menjëhershme për zbatimin e procedurave në rast evidentimi të artikujve të ndaluar dhe të bëjnë raportim për çdo rast.

–          Të parandalojnë veprimtaritë kriminale dhe të raportojnë menjëherë tek Policia e Shtetit çdo lloj veprimtarie kriminale dhe hetimi ndaj tyre dhe të marrin masa si: a) dhënien e ndihmës së nevojshme të dëmtuarve, b) marrjen e masave për ndalimin e kapjen e autorëve të ngjarjes, për ruajtjen dhe sigurimin evendit të ngjarjes deri në ardhjen e punonjësve të policisë së shtetit, c) sigurimin e të dhënave për dëshmitarët e ngjarjes apo autorët.

–          Të bashkëpunojnë me policinë dhe doganën për zbatimin e procedurave të kontrollit të automjeteve, pasagjerëve dhe anijeve.

–          Të vlerësojnë çdo informacion që ka të bëjë me raste emergjence dhe të veprojnë me iniciativë dhe me të marrë udhëzime t’i ndjekë ato, me qëllim ruajtjen e jetës dhe pronës, vendosjen e rregullit duke ndihmuar agjencitë pjesëmarrëse për zgjidhjen e situatës.

–          Të përdorin forcën dhe armët, në bazë të ligjit , “Për përdorimin e armeve”, duke i konsideruar ato si mjet ekstrem, me qëllim ndalimin e personave që kanë kryer, janë duke kryer, ose ka të dhëna të mjaftueshme se kanë kryer ose po përgatiten të kryejnë një krim në ambientet e portit apo në anijet që kanë për detyrë të ruajnë dhe përpiqen t’i shpëtojnë ndalimit.

–          Të qëndrojnë në vendin e punës dhe të zbatojnë me rigorozitet proçedurat operative në përputhje me këtë rregullore dhe urdhrat që jepen nga eprorët e drejtpërdrejtë.

–          Të kryejnë shërbimin me uniformën e miratuar, me ose pa armatim (sipas natyrës së shërbimit), pajisje dhe mjete speciale dhe në asnjë rast të mos largohen nga vendi i punës pa marrë leje nga eprori përkatës dhe pa u zëvendësuar.

–          Të marrin në dorëzim dhe të dorëzojnë detyrën me procesverbal, të kontrollojnë vazhdimisht pajisjet e sigurisë që përdorin në sektorin e shërbimit dhe të njoftojnë shefat e turneve për çdo anomali apo incident që vërehet.

–          Të mbajnë kontakt me radio me sallën operative duke i raportuar çdo një ore dhe të veprojnë menjëherë për çdo informacion që marrin nga salla operative.

–          Të njohin komunitetin rrethues dhe zonat më të nxehta të dëmtimit të perimetrit, dhe të raportojnë çdo anomali që vërehet gjatë operimit.

–          Të jenë të familjarizuar me gjithë punonjësit e të gjitha subjekteve që operojnë në port, të njohin mirë detyrat e gjithsecilit, të njohin mirë pajisjet dhe të jenë të familjarizuar me të gjitha rregullat e vendosura për administrimin e çelësave, drynave për hapjen dhe mbylljen e tyre.

–          Të kontrollojnë vendosjen e rregullt të automjeteve në sheshet dhe kalatat e portit duke lenë rrugë të lire kalimi pa penguar punën për proceset e ngarkim shkarkimit.

–          Të njohin planin e vendosjes, skemën përkatëse si dhe sektorin ku kryejnë shërbimin, si dhe të kryejnë detyrat e përcaktuara në planet e miratuara për situata emergjente apo të kalimit të sigurisë në nivelin 2 dhe 3.

–          Të marrin pjesë dhe të kryejnë trajnim për kualifikimin e personelit çdo muaj të organizuar në bazë të planit mbi përgatitjen profesionale.

 

Dashamir Janina, “Jeta ime mes njerëzve të detit” rikthen lundrimet e Flotës Tregtare/ 27 shkurt 2021

Një detar veteran nga Durrësi, ka publikuar këto ditë një vëllim me kujtime për Flotën Tregtare, Portin dhe Kantierin detar.

Libri “Jeta ime mes njerëzve të detit” i autorit Dashamir Janina, është një shenjë nderimi dhe kujtese për të gjithë ata që punuan dhe sakrifikuan për krijimin, rritjen dhe modernizimin e Flotës sonë Tregtare.

“Në njëfarë mënyre aty është edhe historia e kësaj Flote pas Luftës së dytë botërore, histori që nisi nga anijet modeste prej druri, për të përfunduar me transoqeanikët e mëdhenj.

Libri është një rizgjim i zonave të fjetura të kujtesës – thotë Osman Metalla, dekan i fakultetit të Navigacionit në Universitetin e Durrësit.

Autori Janina, i cili ka filluar të lundrojë me anijet prejdruri të Flotës, e më pas me anijet “Sazani” e “Butrinti” përshkruan jetën e tij dhe të detarëve në anije.

Në libër, paraqiten mbi 80 tregime të shkurtëra për ngjarje të rëndësishme nga jeta e detarëve në lundrim; portretet e kapidanëve të parë nga Ulqini; takimet “e fshehta” me qytetarë të huaj; udhëtimet drejt vendevetë Europës lindore e më pas drejt Kinës e vendeve në oqeanin Atlantik; sakrificat e panumërta të detarëve; mysafirët e veçantë në bordin e anijes si shkrimtarët Zihni Sako dhe Dhimitër Shuteriqi, apo ajo e futbollistëve të kombëtares shqiptare.

Dashamiri tregon thjesht mbi jetën e tij dhe të kolegëve, duke zgjuar nga memoria e tij jo vetëmecurinë e Flotës sonë, por edhe ngjarje historike të Shqipërisë, që paralelisht kanë ndikuar edhe në jetën e detarëve dhe familjarëve të tyre.

Një vend të veçantë zenë edhe informacionet me karakter njohës, mbi drejtimin e Portit detar, Kantierit të riparimit dhe ndërtimit të anijeve, si dhe Flotës tregtare.

Dashamir Janina mbërrin në këtë botim, si themelues dhe drejtuesi i parë i Shoqatës Detare “Adrijon”, e cila në këto 20 vite ka organizuar në Durrës, Tiranë dhe në Ulqin një sërë veprimtarish me temë nga deti.

Janina thotë se ky libër është një shenjë nderimi dhe mirënjohje të thellë për kontributin e detarëve që nuk jetojnë më. Respekt të pamatë edhe për të gjithë detarët e rinj shqiptarë, në dete dhe oqeane kudo qëndodhen.

Panelet e fotoekspozitave të hapura ndër vite ripublikohen si album në librin “Jeta ime mes njerëzve të detit”.

Një vend të veçantë zenë edhe fotot e detarëve, të portit të Durrësit dhe të anijeve të Flotës Tregtare veçanërishtnë gjysmën e dytë të shekullit të kaluar.

Libri me 300 faqe është publikuar nga botimet “Poeteka” me mbështetjen e Autoritetit Portual.

“Në këtë libër vlerësohet fakti se asgjë nuk ka lindur sot, se pas çdo anije ka një histori dhe se pas çdo lundrimi dhe linje detare ka shumë e shumë ngjarje, që nuk duhen shpërfillur, por duhen nderuar gjithmonë – shkruan prof. as. dr. Osman Metalla në kopertinën e librit.

Nga: Gëzim Kabashi

Porti sot/ Prodhimet e Kosovës në fokus të përpunimit/ 26 shkurt 2021

100 Zyra konteinerike të prodhuara në Kosovë, po ngarkohen sot në anijen “Unistream”, që do të vijojë lundrimin drejt njërit prej vendeve të kontinentit afrikan.

Konteinerët e specializuar të prodhuar në Prishtinë për Kombet e Bashkuara, do të transportohen me anije drejt portit të Mombasas (Kenia), për të vijuar më pas udhëtimin drejt destinacionit të fundit në Ugandë.

Nga të dhënat e Agjencisë mësohet se, Zyrat konteinerike që mbërritën tranzit javët e fundit nga Kosova, janë vendosur në sheshin pas molit nr 5 të Terminalit Perëndimor. Që nga paraditja e së premtes ato po ngarkohen në anijen “Unistram”.

Nga sektori i Statistikave në APD, mësohet se gjatë vitit që lamë pas, në Terminalin Lindor dhe atë Perëndimor janë përpunuar 148,642 tonë mallra si; llamarine, xhama, hekur ndërtimi, çimento, gurë mermeri, qymyr, etj, që të gjitha me drejtim Kosovën.

STATISTIKA/ Si ka evoluar përpunimi i konteinerëve në 10 vite në Portin e Durrësit/ 23 shkurt 2021

Numri i konteinerëve të përpunuar në portin e Durrësit gjatë 10 viteve të fundit thuajse është dyfishuar.

Nga Statistikat periodike të publikura në faqen zyrtare të APD-së, mësohet se në gjatë vitit 2020 në Terminalin e Konteinerëve janë përpunuar gjithsej 138,477 TEU (njësi konteinerike), ndërsa 10 vjet më parë, në vitin 2011 numri i TEU të përpunuar arrinte në 80,744 njësi konteinerike.

Në Terminalin e Konteinerëve gjatë vitit 2011 janë ankoruar për përpunim 127 anije të specializuara, ndërsa numri i tyre në vitin 2020 ka arritur në 190 gjithsej, me një volum të përgjithshëm mallrash prej mbi 1 milion e 549 mijë tonë.

Volumet e punës në Terminalin e Konteinerëve gjatë gjatë 10-vjeçarit të fundit kanë shënuar një rritje graduale me shifra më të mira në vitet 2019 – 2020.

Porti i Durrësit, shkëmbime tregtare me 100 porte në 5 kontinente të botës/ 19 shkurt 2021

Porti i Durrësit gjatë vitit 2020, ka shkëmbyer mallra me anije me 100 porte në pesë kontinente të botës.

Anijet tregtare kanë lundruar nga / drejt 27 vendeve, por më shumë drejt Turqisë, në 18 porte gjithsej, si dhe drejt Italisë, në 15 porte të vendit fqinj.

Nga të dhënat statistikore të APD-së, mësohet gjithashtu se; në volumin e mallrave të import – eksportit për vitin që lamë pas, vendin e parë e zë Italia me 1 milion e 678 mijë tonë gjithsej. Në vendin e dytë dhe të tretë renditen; Greqia dhe Rusia, përkatësisht me 588 mijë tonë dhe 334 mijë tonë. Turqia, Libia, Kroacia, SHBA, Spanja, Sllovenia dhe Malta janë vendet në vazhdim, të cilat kanë shkëmbyer mallra nëpërmjet portit të Durrësit.

Sipas Sektorit të Statistikave, gjatë vitit 2020, numri i përgjithshëm i vendeve nga ku janë nisur dhe kanë mbërritur mallra nga Durrësi arrin në 27 gjithsej.

1. Italia- 1 milionë e 678 mijë tonë mallra

2. Greqia – 588 mijë tonë mallra

3. Rusia- 334 mijë tonë mallra

APD/ Nis i mbarë viti për transportin detar, në janar të 2021 u përpunuan 7 % më shumë mallra se 2020/ 16 shkurt 2021

Viti 2021 ka nisur i mbarë për transportin detar. Në Portin më të madh në vend gjatë muajit të parë të këtij viti janë përpunuar 21 mijë tonë mallra më shumë se sa në janarin e vitit 2020-të.

Nga të dhënat zyrtare të APD-së, bëhet e ditur se gjatë muajit janar 2021, në të katër Terminalet e portit të Durrësit, janë përpunuar afro 326 mijë tonë mallra gjithsej, ose 7 % se sa një vit më parë.

Janari i vitit 2020 nuk ka qenë një muaj i ndikuar nga pandemia dhe kufizimet e transporteve ndërkombëtare nga Covid 19, por rezultatet e këtij viti veçanërisht në importe janë më të larta se sa një vit më parë.

Anijet tregtare kanë transportuar nga/drejt Durrësit mbi 121 mijë tonë mallra, konteinerët mbi 141 mijë tonë, ndërsa kamionët dhe trailerët me tragete mbi 63 mijë tonë të tjerë.

Situata në Portin e Durrësit/ 15 shkurt 2021

Era e fortë dhe deti i trazuar gjatë natës së kaluar e ka penguar nisjen e trageteve të linjës nga Durrësi drejt portit të Barit (Itali).

Në Dispeçerinë e APD, mësohet se tragetet “Rigel VII” dhe “AF Marina” kanë lundruar drejt portit Italian vetëm sot në mëngjes përkatësisht në orën 6:30 dhe në orën 7:45.

Sipas të njejtit burim, kushtet e vështira meteorologjike kanë shkaktuar vonesa edhe në nisjen e tragetit “AF Aurelia” nga Bari drejt Durrësit. “Trageti pritet të mbërrijë në Durrës sot rreth orës 16.00, me një vonesë prej afro 8 orë” – mësohet në Dispeçerinë e portit.

Ndërkaq, në Terminalet e përpunimit të mallrave të hënën në mëngjes ka nisur normalisht përpunimi i anijeve me mallra.

Nga Dispeçeria mësohet se rreth orës 11.00 u akostua anija “Neva Leader 1”, që do të shkarkojë 6,200 t grurë.

Anijet “Quaterdecies” me 2,700 t çimento; “Marmed” me 5,069 t melaminë dhe “Moon” me 3,300 tonë çimento po shkarkohen përkatësisht në molin 10, 4 dhe 1.

Gjatë ditës priten edhe dy anije të tjera, një nga të cilat me 5,200 tonë grurë, dhe një anije tjetër me 6,600 t qymyr.

Ambasadorja Amerikane Yuri Kim viziton Portin e Durrësit: në fokus sundimi i ligjit, siguria dhe përmirësimi i klimës për aktivitetin tregtar/ 11.02.2021

Ambasadorja e SHBA-ve në Tiranë, znj. Yuri Kim, ka zhvilluar këtë të enjte një vizitë në Portin Durrësit. Diplomatja amerikane u ndal fillimisht në ambientet e degës së Doganës në Durrës ku u prit nga Drejtori i Përgjithshëm i Doganave, z. Genti Gazheli. Në vijim të vizitës së saj, znj. Kim zhvilloi një takim me Drejtorin e Përgjithshëm Ekzekutiv të Autoritetit Portual Durrës, z. Pirro Vengu.

“Përparësitë tona për Demokracinë, Sigurinë dhe Përmirësimin e Klimës së biznesit, mishërohen në Portin e Durrësit”, theksoi znj. Kim. Bashkëpunimi midis agjencive ligj-zbatuese amerikane dhe atyre shqiptare, ka çuar në shumë operacione të suksesshme në mbarë vendin. Suksesi i këtij bashkëpunimi në fushën e sundimit të ligjit, prodhon efekte në përmirësimin e klimës së biznesit në Shqipëri, si një destinacion për investimet amerikane, nënvizoi ambasadorja.

Kreu i APD- së, duke konfirmuar bashkëpunimin e suksesshëm mes agjencive të specializuara amerikane dhe administratës detare shqiptare, informoi ambasadoren mbi ecurinë dhe sfidat e operacioneve portuale në Durrës, si në rrafshin tregtar ashtu dhe në atë të sigurisë dhe mjedisit.
“Plani i Qeverisë Shqiptare për zhvillimin e infrastrukturës portuale dhe investimet e pritshme në zonat Durrës – Porto Romano, janë jetike për banorët e Durrësit, transformues për vendin dhe strategjikë për mbarë rajonin” theksoi z. Vengu. Gjatë takimit, palët identifikuan një sërë hapash dhe projektesh të përbashkëta në mbeshtetje të sigurisë portuale dhe detare.

Në përmbyllje të vizitës së saj, znj. Kim, në praninë e Komandantit të Forcës Detare, z. Ilir Xhebexhia, u ndal dhe në zonën portuale ku do të realizohet “Defender Europe 2021”, stërvitja më të madhe ushtarake në Europë përgjatë së cilës mbi 6000 trupa amerikane dhe aleate do të ndërveprojnë me trupat shqiptare. Përzgjedhja e Portit të Durrësit për realizimin e stërvitjes, u cilësua nga bashkëbiseduesit si një tjetër element i rëndësishëm i cili ka ndikim të drejtpërdrejtë në rritjen e aftësive ndërvepruese mes strukturave aleate si dhe avancimin e standardeve të sigurisë dhe stabilitetit në rajon.

Porti i Durrësit: Situata e kushteve të motit/ 08 shkurt 2021

Sot paradite, trageti “Rigel VII” i linjës Bari- Durrës është akostuar në Terminalin e udhëtarëve rreth orës 08:20, ndërsa sipas të dhënave të Dispeçerisë së APD-së, sapo mbërriti edhe trageti i së njejtës linjë “AF Aurelia”.

Moti i keq dhe deti i trazuar, nuk kanë krijuar pengesa të mëdha në lundrimin e trageteve edhe në linjën Durrës – Bari dhe Durrës – Ankona.

Tragetet “AF Marina” dhe “AF Claudia” janë nisur sipas orarit të parashikuar, përkatësisht drejt Barit dhe Ankonës mbrëmjen e kaluar, ndërsa trageti “Bari”, ka patur një vonesë prej disa orësh në nisje dhe e ka lënë portin e Durrësit drejt Barit sot rreth orës 07:00.

Në radën portuale, aktualisht ndodhen tre anije me çimento, hekur dhe skrap, të cilat pritet të fillojnë përpunimin në orët e ardhshme.

Sipas parashikimeve sinoptike, në ditët e ardhshme pritet mot i keq me reshje shiu dhe det të trazuar.

Porti i Durrësit, vendi kryesor i veprimtarisë së stërvitjes “Defender Europe 21” në Shqipëri/ 04 shkurt 2021

Sot patëm kënaqësinë të prisnim në Portin e Durrësit Gjeneral Majorin Joseph Jarrard, Zv. Komandant i Ushtrisë së SHBA-ve për Europën, i shoqëruar nga Gjeneral Major Bajram Begaj, Komandanti i Forcës Detare, Gjeneral Brigade, Ilir Xhepexhia dhe Drejtues të Shtabit të Përgjithshëm të Forcave të Armatosura.

Qëllimi i vizitës ishte njohja nga afër i venddislokimit në Portin e Durrësit i trupave ushtarake, për stërvitjen “Defender – Europe 2021”.

Porti i Durrësit është përcaktuar të jetë vendi kryesor i veprimtarisë së trupave në kuadër të stervitjes më të madhe ushtarake të forcave aleate nën udhëheqjen e SHBA-ve, në Shqipëri.

Gjeneral-Major Jarrard, u prit nga Drejtori i Forcës së Sigurisë në APD, Kapiten Alfred Velaj, i cili i njohu të pranishmit me vendin e pritjes së trupave ushtarake si dhe me hapësirat e dedikuar logjistike që do të vendosjen në dispozicion të forcave aleate përgjatë gjithë stërvitjes.